मृत अवस्थामा देशका विभिन्न स्थानबाट छ जना फेला परेका छन् । झापा, हल्दिवारी गाउँपालिका-३ कुनाबारी बस्ने ३५ वर्षीय श्याम भन्ने घनेन्द्र वन आफ्नै घरमा सोमबार मृत अवस्थामा फेला परेका छन् ।

त्यस्तै ललितपुर, ललितपुर महानगरपालिका-३ धोविघाट बस्ने ५० वर्षीय प्रदिप रजक आफ्नै घरमा सोमबार मृत अवस्थामा फेला परेका छन् ।यस्तै काभ्रे, पाँचखाल नगरपालिका-४ लामिडाँडा घर भएका ३४ वर्षीय बुद्ध सुनार सिन्धुपाल्चोक हेलम्बु गाउँपालिका-१ चिउरी खर्कस्थित खोल्सामा सोमबार मृत अवस्थामा फेला परेका छन् ।

सिन्धुपाल्चोक हेलम्बु गाउँपालिका-२ किउलबाट कात्तिक ७ गते हराएका उनको खोजी गर्ने क्रममा शव फेला परेको हो । उता सल्यान, त्रिबेणी गाउँपालिका-२ शंखपिपल बस्ने ७० वर्षीय बादी परियार सोही ठाउँस्थित शारदा नदीको तिरमा सोमबार मृत अवस्थामा फेला परेका छन् ।

यता सुर्खेत, बीरेन्द्रनगर नगरपालिका-१० देउती बजै टोलस्थित बाटोको नालामा सोही ठाउँ बस्ने ४० वर्षीय दिपक मल्ल मंगलबार मृत अवस्थामा फेला परेका छन् । यसैगरी दार्चुला, मालिकार्जुन गाउँपालिका-८ सल्याडी बस्ने ३५ वर्षीय शंकर सिंह धामी शैल्यशिखर नगरपालिका-६ पनेबांजस्थित खोलामा सोमबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।