नवकान्तिपुर संवाददाता
काठमाडौं, ६ मंसिर ।
मृत अवस्थामा देशका विभिन्न स्थानबाट तीन जना फेला परेका छन् । रौतहट, राजपुर नगरपालिका-८ स्थित माछा पोखरीमा सोही नगरपालिका-३ बलुवा बस्ने २० वर्षीय मुजरे आलम बुधबार मृत अवस्थामा फेला परेका छन् ।
त्यस्तै दाङ, बङ्लाचुली गाउँपालिका-६ टोट्के लेख बस्ने ३५ वर्षीया गुमा वली सोही ठाउँस्थित लालीगुँरास सामुदायिक वनको भिरबाट करिब १ सय मिटर तल बुधबार मृत अवस्थामा फेला परेकी छिन् ।
यस्तै रूपन्देही, देवदह नगरपालिका-७ मदनग्राम टोलस्थित खाली घरमा हाल नाम, थर, वतन नखुलेका अन्दाजी ६० वर्षीय पुरूष बुधबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।
