नवकान्तिपुर संवाददाता
काठमाडौं, १३ मंसिर ।
रूपन्देही, लुम्बिनी सांस्कृतिक नगरपालिका-८ भगतपुरवास्थित सडकमा लुम्बिनीबाट रामापुर- कलौनीतर्फ जाँदै गरेको लु.२ च ४८६१ नम्बरको पिकअप गाडीको ठक्करबाट साइकलयात्री सोही नगरपालिका-८ भगतपुरवा बस्ने २५ वर्षीय छोटु सेख भन्ने ग्यासुदिन सेखको बिहीबार बिहान मृत्यु भएको छ ।
दुर्घटनामा गम्भीर घाइते भएका उनको भिम अस्पताल भैरहवामा उपचारको क्रममा मृत्यु भएको हो । प्रहरीले पिकअप चालकलाई नियन्त्रणमा लिएको छ ।
साथै प्रहरीले दुर्घटनाका सम्बन्धमा आवश्यक अनुसन्धान गरिरहेको छ ।
