देशका विभिन्न स्थानबाट मृत अवस्थामा नौ जना फेला परेका छन् । चितवन, रत्ननगर नगरपालिका-२ सिनेमारोड डेरा गरी बस्ने भारत बेतिया बनकट-७ घर भएका ७० वर्षीय रामनाथ गिरी आफ्नै कोठामा शुक्रबार मृत अवस्थामा फेला परेका छन् ।

त्यस्तै दैलेख, नारायण नगरपालिका-१० बस्ने ४८ वर्षीय गोर्ख बहादुर बोगटी आफ्नै घरमा शुक्रबार मृत अवस्थामा फेला परेका छन् । यस्तै दाङ, घोराही उपमहानगरपालिका-७ डब्बर गाउँ बस्ने ३२ वर्षीय धिरज चौधरी सोही ठाउँस्थित सुखारी कुलोको पानीमा शुक्रबार मृत अवस्थामा फेला परेका छन् ।

यसैगरी मोरङ, पथरीशनिश्चरे नगरपालिका-१ गोस लाईनमा हाल नाम, थर, वतन नखुलेका अन्दाजी ४५ वर्षीय पुरूष शुक्रबार मृत अवस्थामा फेला परेका छन् । त्यसैगरी बारा, महागढीमाई नगरपालिका-१ गढीमाई मन्दिर नजिकै रहेको खेतमा हाल नाम, थर, वतन नखुलेका अन्दाजी ७० वर्षीय पुरूष शुक्रबार मृत अवस्थामा फेला परेका छन् ।

यता काठमाडौं महानगरपालिका-८ तिलगंगाबाट पशुपती जाने बाटो नजिकै रहेको जंगलको झाडीमा शंखरापुर नगरपालिका-५ घर भई बानेश्वर शान्तिनगर बस्ने २० वर्षीया मनिष मिजार बिहीबार मृत अवस्थामा फेला परेकी छिन् । उता चितवन, भरतपुर महानगरपालिका-२६ सिसुवारस्थित नारायणी नदीमा हाल नाम, थर, वतन नखुलेका अन्दाजी ३५ वर्षीय पुरूष बिहीबार मृत अवस्थामा फेला परेका छन् ।

यस्तै मकवानपुर, राक्सिराङ गाउँपालिका-५ इन्चराङस्थित चैनपुर काकडा जाने भित्री बाटोमा हाल नाम, थर, वतन नखुलेका अन्दाजी २० वर्षीय पुरूष शुक्रबार मृत अवस्थामा फेला परेका छन् । त्यस्तै सुनसरी, ईटहरी उपमहानगरपालिका-१६ टुकुलियाँ टोलस्थित सडक किनारमा हाल नाम, थर वतन नखुलेका अन्दाजी २८ वर्षीय पुरूष शुक्रबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।