नवकान्तिपुर संवाददाता
काठमाडौं, ७ पुस ।
पर्सा, वीरगंज महानगरपालिका-१३ बस्ने सोनेलाल कुशवाहाको घरमा जुवातास खेलिरहेको अवस्थामा सोही महानगरपालिका-१३ बस्ने ३१ वर्षीय राम श्रेष्ठ समेत छ जनालाई शनिबार दिउँसो प्रहरीले पक्राउ गरेको छ ।
जिल्ला प्रहरी कार्यालय पर्साबाट खटिएको प्रहरीले उनीहरूलाई नगद १ लाख ४५ हजार ५ सय ४० रूपैयाँ र ३ बुक तास सहित पक्राउ गरेको हो ।
यस सम्बन्धमा प्रहरीले आवश्यक अनुसन्धान गरिरहेको छ ।
