नवकान्तिपुर संवाददाता
काठमाडौं, ७ पुस ।
मृत अवस्थामा देशका विभिन्न स्थानबाट पाँच जना फेला परेका छन् । काठमाडौं महानगरपालिका-१५ सिद्धिचरण गल्ली डेरा गरी बस्ने उदयपुर मजुवा घर भएका २९ वर्षीय अर्जुन माझी आफ्नै कोठामा आइतबार मृत अवस्थामा फेला परेका छन् ।
त्यस्तै सिन्धुपाल्चोक, हेलम्बु गाउँपालिका-७ पतिङस्थित आमाशाङ सामुदायिक वनमा नुवाकोट दुप्चेश्वर गाउँपालिका-४ गोल्फुभञ्ज्याङ घर भएका ८१ वर्षीय लवन सिंह तामाङ आइतबार मृत अवस्थामा फेला परेका छन् । यस्तै बागलुङ, गलकोट नगरपालिका-९ काडेबासस्थित दरम खोलामा सोही नगरपालिका- ११ मझुवा बस्ने ३९ वर्षीय नविन बस्याल आइतबार मृत अवस्थामा फेला परेका छन् ।
यता काठमाडौं महानगरपालिका-१६ बाइपास अष्टनारायण हल नजिक डेरा गरी बस्ने रोल्पा सुनिलस्मृति गाउँपालिका-८ घर भएका २० वर्षीय योगेश बिक आफ्नै कोठामा शनिबार मृत अवस्थामा फेला परेका छन् । उता प्युठान, स्वर्गद्वारी नगरपालिका-४ जिमुरपाटास्थित खोल्सामा चितवन भरतपुर महानगरपालिका-२७ धरमपुर बस्ने ७५ वर्षीय चन्द्र बहादुर गुरूङ शनिबार मृत अवस्थामा फेला परेका छन् ।
यस सम्बन्धमा प्रहरीले आवश्यक अनुसन्धान गरिरहेको छ ।
