नवकान्तिपुर संवाददाता
काठमाडौं, ८ पुस ।
कपिलवस्तु, बाणगंगा नगरपालिका-८ चप्परगाउँस्थित सडकमा अर्घाखाँचीबाट बुटवलतर्फ जाँदै गरेको लु.३ च ३३९५ नम्बरको पिकअपको ठक्करबाट पैदलयात्री सोही ठाउँ बस्ने ३० वर्षीया रीता भुसालकी छोरी ३ वर्षीया अप्सना भुसालको सोमबार बिहान मृत्यु भएको छ ।
ठक्करबाट गम्भीर घाइते भएकी उनको सिटी अस्पताल बुटवलमा थप उपचारको क्रममा मृत्यु भएको हो । साथै ठक्करबाट घाइते भएकी रीताको सोही अस्पतालमा उपचार भइरहेको छ ।
प्रहरीले पिकअप चालकलाई नियन्त्रणमा लिई दुर्घटनाका सम्बन्धमा आवश्यक अनुसन्धान गरिरहेको छ ।
