मृत अवस्थामा देशका विभिन्न स्थानबाट सात जना फेला परेका छन् । कैलाली, गोदावरी नगरपालिका-११ रेगुलेटरस्थित नहरमा चुरे गाउँपालिका-४ बालुवागडा बस्ने ७० वर्षीय कर्ण मास्कि मगर मंगलबार मृत अवस्थामा फेला परेका छन् ।

त्यस्तै झापा, अर्जुनधारा नगरपालिका-११ लक्ष्मीधाप बस्ने ५१ वर्षीया बिमला दर्जी सोही ठाउँस्थित माछा पोखरीमा मंगलाबर मृत अवस्थामा फेला परेकी छिन् । यस्तै सुर्खेत, लेकवेशी नगरपालिका-१० बस्ने ५८ वर्षीय नरे खड्का बीरेन्द्रनगर नगरपालिका- ११ ब्युरेनी नजिक जङ्गलमा मंगलबार मृत अवस्थामा फेला परेका छन् ।

उता बागलुङ, बागलुङ नगरपालिका-१ खनियाघाट बस्ने ३५ वर्षीय महेन्द्र खत्री सोही ठाउँस्थित आफ्नै बंगुर फर्म नजिकै छाप्रोमा मंगलबार मृत अवस्थामा फेला परेका छन् । यता कालिकोट, पचालझरना गाउँपालिका-४ जारकोटस्थित कर्णाली नदीको किनारामा सोही गाउँपालिका-४ बगर बस्ने ८८ वर्षीया शिरकला ऐडी मंगलबार मृत अवस्थामा फेला परेकी छिन् ।

त्यसैगरी भोजपुर, साल्पासिलिछो गाउँपालिका-४ गोथे बजारस्थित खेतमा षडानन्द नगरपालिका-२ तावुटार बस्ने ३१ वर्षीय धर्मराज राई सोमबार मृत अवस्थामा फेला परेका छन् । यसैगरी नुवाकोट, ककनी गाउँपालिका-२ कोल्पुखोला सनटार बस्ने सल्यान फलावाङ-४ घर भएका ३२ वर्षीय पोखरसिङ वलीसोही ठाउँस्थित पाखो बारीमा मंगलबार मृत अवस्थामा फेला परेका छन् ।

यस सम्बन्धमा प्रहरीले आवश्यक अनुसन्धान गरिरहेको छ ।