नवकान्तिपुर संवाददाता
काठमाडौं, १९ पुस ।
देशका विभिन्न स्थानबाट मृत अवस्थामा तीन जना फेला परेका छन् । लमजुङ, बेसीशहर नगरपालिका-७ मनाङचौतरास्थित न्यू तिलिचो होटलको कोठा नम्बर १ सय ५ मा लमजुङ मर्स्याङदी गाउँपालिका-३ खुदी घर भई मनाङ निसाङ गाउँपालिका-२ बस्ने ४६ वर्षीय कृष्ण बहादुर बस्नेत शुक्रबार मृत अवस्थामा फेला परेका छन् ।
त्यस्तै चितवन, भरतपुर महानगरपालिका-१ बस्ने ७० वर्षीया बस माया श्रेष्ठ आफ्नै घरमा बिहीबार मृत अवस्थामा फेला परेकी छिन् । यस्तै म्याग्दी, बेनी नगरपालिका-२ खबरास्थित लब्ली हिल नजिकै भिर तल भारत बिहार घर भएका २१ वर्षीय अक्लेस कुमार दास बिहीबार मृत अवस्थामा फेला परेका छन् ।
यस सम्बन्धमा प्रहरीले आवश्यक अनुसन्धान गरिरहेको छ ।
