मृत अवस्थामा देशका विभिन्न स्थानबाट आठ जना फेला परेका छन् । काठमाडौं, गोकर्णेश्‍वर नगरपालिका-८ बेसिगाउँस्थित जस्ताको टहरामा झापा कमल गाउँपालिका-४ घर भएका ४७ वर्षीय सोम प्रसाद घिमिरे शनिबार मृत अवस्थामा फेला परेका छन् ।

त्यस्तै इलाम, इलाम नगरपालिका-६ बिजुवानीस्थित बाटो छेउमा सोही ठाउँ बस्ने ७९ वर्षीय बिष्णु बहादुर सुबेदी शुक्रबार मृत अवस्थामा फेला परेका छन् । यस्तै सर्लाही, ईश्वरपुर नगरपालिका-७ गणपति चोक बस्ने ४५ वर्षीय दिपक केसी आफ्नै घरमा शुक्रबार मृत अवस्थामा फेला परेका छन् ।

उता बागलुङ, बागलुङ नगरपालिका-८ बस्ने ५५ वर्षीय लक्ष्मण जिसि सोही नगरपालिका-९ तित्याङस्थित खाली गोठमा शुक्रबार मृत अवस्थामा फेला परेका छन् । यता भोजपुर, हतुवागढी गाउँपालिका-६ सुङरूकस्थित बाटो छेउमा रहेको बाँसको खोचमा सोही गाउँपालिका मटाखानी बस्ने ६५ वर्षीय वर्ण बहादुर राई शनिबार मृत अवस्थामा फेला परेका छन् ।

यसैगरी कास्की, पोखरा महानगरपालिका-३० शिशुवा पार्वती टोल बस्ने ५० वर्षीय रवी गुरूङ आफ्नै घरमा शनिबार मृत अवस्थामा फेला परेका छन् । त्यसैगरी रामेछाप, गोकुलगंगा गाउँपालिका-४ बेताली बस्ने ३३ वर्षीया सरिता नेपाली सोही ठाउँ दारेभिरस्थित खोल्सामा शनिबार मृत अवस्थामा फेला परेकी छिन् ।

यसैगरी रामेछाप, रामेछाप नगरपालिका-८ धारापानीस्थित पानीपोखरीमा सोही नगरपालिका बाबिया खर्क बस्ने ६२ वर्षीय रामकृष्ण बुढाथोकी शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।