देशका विभिन्न स्थानबाट मृत अवस्थामा पाँच जना फेला परेका छन् । मोरङ, केराबारी गाउँपालिका-८ बस्ने ६७ वर्षीय पर्शुराम न्यौपाने सोही गाउँपालिका-९ स्थित धरधरे सामुदायिक वनको भिरमा आइतबार मृत अवस्थामा फेला परेका छन् ।

यसैगरी मोरङ, बेलबारी नगरपालिका-८ गिरी गाउँ बस्ने भक्त बहादुर ओझाको घरमा काम गरी बस्ने मोरङ मंगलबारे घर बताउने ५६ वर्षीय डुम्का राजवंशी सोही घरमा आइतबार मृत अवस्थामा फेला परेका छन् । त्यस्तै सर्लाही, चन्द्रनगर गाउँपालिका-२ स्थित गेरूवा खोलाको जमेको पानीमा हाल नाम, थर, वतन नखुलेका अन्दाजी ५५ वर्षीय पुरूष शनिबार मृत अवस्थामा फेला परेका छन् ।

यस्तै मकवानपुर, भीमफेदी गाउँपालिका-३ ईचुङ बस्ने ५३ वर्षीया चमेली माया पाख्रिन सोही ठाउँस्थित घट्टेखोलाको भिर तल शनिबार मृत अवस्थामा फेला परेकी छिन् । उता सिन्धुली, मरिण गाउँपालिका-४ बाह्रबिसे बस्ने ५३ वर्षीय डम्बर बहादुर आले सोही ठाउँस्थित खेतमा शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।