मृत अवस्थामा देशका विभिन्न स्थानबाट चार जना फेला परेका छन् । पर्वत, बिहादी गाउँपालिका-१ दुर्लाङ पिरौदीस्थित जङ्गलमा सोही गाउँपालिका-३ इमिचौर बस्ने ६८ वर्षीय रन बहादुर बोटेन शुक्रबार मृत अवस्थामा फेला परेका छन् ।

त्यस्तै ताप्लेजुङ, आठराई त्रिवेणी गाउँपालिका-३ मिचिरिङ बस्ने ५५ वर्षीय कृष्ण बस्नेत सोही ठाउँस्थित बारीको डिलमा शुक्रबार मृत अवस्थामा फेला परेका छन् । यस्तै रूपन्देही, बुटवल उपमहानगरपालिका-१३ नवज्योती पथमा धनुषा, धनुषाधाम नगरपालिका-७ बस्ने ५२ वर्षीय अर्जुन कार्की शनिबार मृत अवस्थामा फेला परेका छन् ।

उता कैलाली, धनगढी उपमहानगरपालिका-१५ कनरीस्थित माछा पोखरीमा टिकापु नगरपालिका-३ बस्ने ६५ वर्षीय लौटन चौधरी शनिबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।