मृत अवस्थामा देशका विभिन्न स्थानबाट तीन जना फेला परेका छन् । दाङ, तुलसीपुर उपमहानगरपालिका-१२ बस्ने ५४ वर्षीय फरारू चौधरी सोही उपमहानगरपालिका-१२ क्वाङीस्थित खेतमा बुधबार मृत अवस्थामा फेला परेका छन् ।

त्यस्तै तनहुँ, व्यास नगरपालिका-४ केशवटारस्थित कुलुङ सामुदयिक वनमा रहेको जौखोलामा सोही नगरपालिका-१४ छाब्दी बस्ने ५१ वर्षीय जित बहादुर आले बुधबार मृत अवस्थामा फेला परेका छन् ।

यस्तै कपिलवस्तु, बाणगंगा नगरपालिका-१ वैरीया बुद्धचोकस्थित प्रतिक्षालयमा हाल नाम, थर, वतन नखुलेका अन्दाजी ५० वर्षीय पुरूष बिहीबार मृत अवस्थामा फेला परेका छन् । यस सम्बन्धमा प्रहरीले आवश्यक अनुसन्धान गरिरहेको छ ।