अन्तरराष्ट्रिय बजारमा भएको उतारचढावसँगै स्थानीय बजारमा पनि सुनको मूल्य थपघट भएको छ । स्थानीय बजारमा आज प्रतितोला सुनमा रु छ सयले घटेको हो ।

मंगलबार प्रतितोला सुन रु एक लाख ७९ हजार सात सयमा खरिदबिक्री भएकामा सोही परिमाणको सुन आज घटेर प्रतितोला रु एक लाख ७९ हजार एक सय कायम भएको नेपाल सुनचाँदी व्यवसायी महासङ्घले जनाएको छ ।

यता आज चाँदीको मूल्य पनि रु १५ ले घट्दै भने दुई हजार २० मा कारोबार भइरहेको छ । मंगलबार चाँदी प्रति तोला दुई हजार ३५ रुपैयाँ रहेको थियो ।