लगातार परेको अविरल बर्षातको कारण बल्खु खोलाले कलंकीमा रहेकाे हेरिटेज कार्पेट उद्योगलाई क्षति पुर्याएकाे छ । शुक्रवार बाग्मती सभ्यताले लगाएको पर्खाल क्षतिग्रस्त हुँदा किर्तिपुर नगरपालिका मैत्रीनगरमा अवस्थित हेरिटेज फेरनट्रेड कार्पेट उद्योग क्षतिग्रस्त भएको हो ।

बाागमति सम्यताको पर्खालबाट पानी पसेपछि हेरिटेज कार्पेट क्षतिग्रस्त भएको उद्योगले जनाएको छ । कारखानाको क्रम्पाउण्ड भित्र पानी पसेपछि करीव १५ सय मेट्रेस र कार्पेटको सामाग्री नष्ट हुदाँ करीव ३ करोड वराबरको क्षति भएको हेरिटेज कार्पेट उद्योगले जनाएको छ ।

बर्षातको कारण कारखानाको उत्पादित सामाग्री तथा भौतिक संरचनाको पुर्ण रुपमा क्षति भएको हेरिटेज कार्पेटका कार्यकारी अध्यक्ष हेमराज ढकालले जानकारी दिए । दुई दिन देखि परेको बर्षातको कारण कंलकी क्षेत्र जलमग्न भएको थियो ।