भर्खर प्राप्त समाचार अनुसार बालुवाटारमा भीषण आगलागी भइरहेको बताइएको छ। नेपाल हाउस रेष्टुराँ पूर्वपट्टि रहेको सुबिसु केबल नेटवर्कको ब्याकअपु कार्यालय रहेको बिल्डिंगमा आगलागी भएको हो। आगलागी सुरु हुँदा कार्यालयमा कर्मचारीहरू थिए।
आगो निभाउन जुद्ध बारुणयन्त्र, सुरक्षाकर्मीसहितको टोली परिचालन भएको छ।
महानगरीय प्रहरी परिसरका अनुसार आगो निभाउन सेना, सशस्त्र र प्रहरीको संयुक्त टोली परिचालन भएको छ। परिसरका प्रवक्ता डीएसपी होविन्द्र बोगटीले प्रज्जलनशील सामाग्री भण्डारण भएको स्थानमबाट आगो सुरू भएको बताएका छन् । उनले सुविसुको कार्यालय समेत सोही स्थानमा रहेकाले त्यही हो कि भन्ने शंका रहेको बताए।
उनका अनुसार उनीहरु आगो निभाउन र उद्दारमा खटिएका छन्, भिषण आगलागी भइरहेको छ, निभाउने प्रयास जारी छ, उनले भने।
