लियोनेल मेसी इन्जुरी ठिक नभएपछि ला लिगाको दोस्रो खेल पनि नखेल्ने भएका हुन् । आइतबार राति रियल बेटिसविरुद्धको खेलमा मेसी नखेल्ने भएको बार्सिलोनाले जानकारी दिएको छ ।
मेसीले यस सिजनको ला लिगाको पहिलो खेल समेत गुमाएका थिए । एथलेटिक क्लबविरुद्धको सो खेलमा बार्सिलोना १-० गोलले पराजित भएको थियो ।
मेसीले बेटिसविरुद्धको अन्तिम प्रशिक्षणमा समेत सहभागिता जनाएका थिएनन् । बार्सिलोना नयाँ सिजनकै सुरुमा इन्जुरीका कारण दबाबमा परेको छ । मेसीसहित लुइस स्वरेज र उसमान डेम्बेलेसमेत घाइते भएका काराण बेटिसविरुद्धको खेल खेल्ने छैनन् ।
बार्सिलोनाका प्रशिक्षकले इर्नेष्टो भालभेर्डोले मेसीको बारेमा कुनै रिस्क लिन नचाहेको बताएका छन् ।
मेसी गत महिना सम्पन कोपा अमेरिकाको तेस्रो स्थानको खेलमा अर्जेन्टिनाका लागि खेलेपछि कुनै खेल खेलेका छैनन् ।
