मुम्बई सहित पुरा महाराष्ट्रमा गएको साता भएको वर्षाले केही राहत दिएको थियो तर लगातार भएको वर्षाले जनजीवन अस्तव्यस्त भएको छ । दक्षिण पश्चिम मनसुन सक्रिय भएकोले राज्यको हालत एकदम खराब भएको छ ।
लगातार भएकोवर्षाको कारणले तल्लो इलाकामा पानी भरिएको छ जसको कारणले केही लोकल ट्रेनको आवागमन रद्द गर्न पर्यो, कैयौं विमान सेवामा ढिलाई भयो भने यातायातमा समस्या देखिएको छ । मुम्बईमा आउने २४ घण्टासम्म भारी वर्षा हुने अनुमान गरिएको छ र रेड अलर्ट जारी गरिएको छ ।
आज मुम्बई, कोंकण र वेस्टर्न महाराष्ट्रमा वर्षाको अलर्ट छ । बुधबार मुम्बईको सांताक्रुज इलाकामा २०० मिमी बर्षा भएको थियो । राज्य सरकारले सम्बन्धित अधिकारीलाई पश्चिम महाराष्ट्रको बाँधमा पानीको प्रवाहमाथि ध्यान दिनको लागि भनेको थियो, जहाँ गएको महिनामा केही जिल्लामा बाढीले तबाही मच्चाएको थियो ।
यति मात्र होइन भारी वर्षाले फिल्म स्टारहरुको घरभित्र पनि पानी पसेको थियो । अमिताभ बच्चन, अजय देवगन, अनिल कुमार र धर्मेन्द्र जस्ता दिग्गज घर भित्र पनि पानी पसेको थियो । अमिताभ बच्चनको घर प्रतिक्षामा पनि पानी पसेको थियो ।
२४ घण्टाका लागि मुम्बई शहर र उपनगरमा रेड अलर्ट जारी
मुम्बई हवाई अड्डाको एक अधिकारीको अनुसार केही उडानमा औसत २५ मिनेट ढिलाई भएको छ । मुम्बई र यसको उपनगरमा सडकमा वाहानको आवागमन बाढीको कारणले सुस्त भएको छ । मौसम विभागले भनेको छ कि मुम्बई महानगर क्षेत्रमा १५० मौसम केन्द्रमध्ये १०० मा २०० मिमी भन्दा बढी वर्षा रेकर्ड गरिएको थियो । मौसम विभागले आउने २४ घण्टाको लागि मुम्बई शहर र उपनगर, ठाणे र पालघर जिल्ला सहित राज्यको विभिन्न स्थानको लागि रेड अलर्ट जारी गरेको छ ।
