इन्द्रजात्रा हेर्न वसन्तपुर दरबार क्षेत्रमा गएकाहरुमाथि प्रहरीले धरपकड गरेको छ ।
प्रहरीले उच्छ्रृंखल गतिविधिमा संग्लन भएको आशंकामा केहिलाई पक्राउ गरेको छ। पक्राउ पर्नेमा पूर्वडीआईजी विजय भट्टदेखि सेनाका एक मेजर पनि पक्राउ परेको बताइएको छ।
वसन्तपुर क्षेत्रमा आयोजना भएको कार्यक्रममा उछृंखल गतिविधि भएको र कार्यक्रममै अवरोध पुग्ने भएपछि केही व्यक्तिहरूलाई पक्राउ गरिएको महानगरीय प्रहरी परिसर काठमाडौंले जनाएको छ।
इन्द्रजात्राको अवसरमा गुठी विधेयकलाई लिएर प्रदर्शन हुनसक्ने भन्दै सुरक्षा सतर्कता बढाइएको बताइएको छ ।
वसन्तपुर क्षेत्रमा इन्द्रजात्राका सुरक्षाका लागि ठूलो संख्यामा प्रहरी परिचालन गरिएको छ।
