नेपाल कम्युनिस्ट पार्टी (नेकपा)ले महानगर अध्यक्ष र सचिवको टुंगो लगाएका छ । शनिवार प्रधानमन्त्री निवास बालुवाटारमा बसेको नेकपा सचिवालय बैठकले एकता प्रकृया अन्तर्गत ६ महानगरका अध्यक्ष र सचिवको टुंगो लगाएका हो ।

सचिबालय बैठकका अनुसार काठमाडौं महानगरपालिका अध्यक्षमा निर्मल देउवा र सचिव रविन्द्र श्रेष्ठ चयन भएका छन् । त्यस्तै गरि ललितपुर महानगरका अध्यक्षमा मञ्जरी कायस्थ र सचिवमा ज्ञानेन्द्र शाक्य छानिएका छन् । पोखरा महानगरको अध्यक्षमा दिपक कोइराला र सचिवमा विश्वप्रकाश लामिछाने चयन भएका छन् ।

भरतपुर महानगर अध्यक्षमा रामप्रसाद न्यौपाने र सचिवमा ईश्वर सापकोटा छानिएका छन् । विराटनगर महानगरमा सागर थापा र अध्यक्ष र सचिव हेम कार्की चयन भएका छन् । वीरगञ्ज महानगरको अध्यक्षमा रहबर अन्सारी र सचिवमा विश्वप्रकाश शर्मा चयन भएका छन् ।