एसिड आक्रमणमा परेकी मुस्कानलाई वरुण धवन र कृति सेननले पठाए सन्देश (भिडियो सहित)

केही हप्ताअघि वीरगञ्जमा १५ वर्षीया बालिका मुस्कान खातुनलाई स्थानीय दुई किशोरले एसिड प्रहार गरेका थिए । अहिले कीर्तिपुर अस्पतालमा उनको उपचार भैरहेको छ ।

अहिले बलिउडका दुई जना कलाकारले मुस्कानलाई भिडियो सन्देश पठाएर हौसला बढाउने काम गरेका छन् । अभिनेत्री कृति सेनन र अभिनेता वरुण धवनले मुस्कानलाई भिडियो सन्देश पठाएका हुन् ।

सुरुमा यो घटना थाहा पाइसकेपछि पहिला कृतिले मेहबूब स्टुडियोबाट मुस्कानलाई भिडियो सन्देश पठाएकी थिइन् । भिडियोमा मुस्कानले कृतिलाई ‘मलाई तपाईँ मनपर्छ’ र जवाफमा कृतिले ‘म तिमीलाई माया गर्छु’ भनेकी छिन् ।

साथै कृतिले मुस्कानलाई आफ्नो स्वास्थ्यको ख्याल गर्न र अध्ययनमा ध्यान दिन सुझाएकी छिन् । कृतिले भिडियो सन्देशमा भनेकी छिन्, ‘तिमीले आफ्नो ख्याल गर्नेछौ र तिमीलाई चाँडै निको हुनेछ ।’

त्यसपछि कृतिले अभिनेता वरुण धवनलाई यो घटनाका बारेमा जानकारी गराएपछि उनी पनि यसै बस्न सकेनन् र मुस्कानलाई भिडियो सन्देश पठाए । वरुणले भने, ‘म मुस्कानलाई सबै माया र प्रार्थना पठाउन चाहन्छु । मलाई यसबारेमा थाहा दिएकोमा कृतिलाई पनि धन्यवाद १’

वरुणले मुस्कानलाई पढाइमा ध्यान दिन र निको भएपछि आफूसँग भेट्न आउन पनि भनेका छन् ।

त्यस्तै भ्वाइस अफ् नेपालु सिजन–२ का कोच राजु लामाले पनि मुस्कानसँग भेटेर सँगै गीत गाउँदै उनको साहस बढाउने काम गरेका थिए ।

वीरगञ्ज महानगरपालिकाका–३ छपकैयाकी १५ वर्षीया छात्रा मुस्कान शुक्रबार बिहान विद्यालय जाँदै गरेको बेला उनीमाथि गएको भदौ २० गते स्थानीय दुई किशोरले एसिड प्रहार गरेका थिए ।

भिडीयो

सम्बन्धित समाचार

छोराद्वारा बुबाको हत्या

सवारी दुर्घटनामा नौ जनाको मृत्यु

कास्कीको अन्नपूर्णमा ‘हनि हन्टिङ’ महोत्सव

नवकान्तिपुरका ट्विटहरूः

लोकप्रिय

नेपालमा सुटिङ गर्न उत्साहित हुनेछु : बलिउड निर्देशक कबिर खान

प्रधानमन्त्री ओलीको नजरमा एनपिएलका आठ मार्की खेलाडी

नेप्से परिसूचक दोहोरो अङ्कले बढ्यो

गाडी दुर्घटना हुदाँ छ जनाको मृत्यु

विमान दुर्घटना हुदाँ एक जनाको मृत्यु