नेपाल कमर्श क्याम्पस, मीनभवनका सह–प्राध्यापक डा. गोपाल थापा अमेरिकन मार्केटिङ एशोसिएशनको 2019 AMA Higher Education Marketer of the Year Individual Award को मनोनयनमा पर्न सफल भएका छन् ।

२०५६ सालदेखि त्रिभुवन विश्वविद्यालयअन्तर्गत्को नेपाल कमर्श क्याम्पस, मीनभवनमा बजारशास्त्र अध्यापन गराइरहेका डा. थापा उक्त पुरस्कारका लागि मनोनयनमा पर्ने पहिलो भाग्यशाली नेपाली हुन् । उनी लामो समयदेखि त्रिभुवन विश्वविद्यालय, बजारशास्त्र विषयको समितिका सदस्य सचिवका रूपमा पनि सक्रिय रहँदै आएका छन् ।

डा. थापाले ‘टेलिभिजनमा विज्ञापन’ विषयमा विद्यावारिधि गर्ने पहिलो नेपाली व्यक्तित्व पनि हुन् । उनले १२ वटाभन्दा बढी पुस्तक प्रकाशित गरिसकेका छन् भने उनका ५० वटाभन्दा बढी लेखरचनाहरू राष्ट्रिय र अन्तर्राष्ट्रिय जर्नलहरूमा प्रकाशित भएका छन् । उनको पुस्तक Dictionary of Marketing लाई आधुनिक बजारशास्त्रका पिता भनेर चिनिने प्रोफेसर फिलिप केट्लरले ‘अ भेरी युजफुल डिक्सनरी फर मार्केटर्स्’ भनी टिप्पणी गरेका छन् ।

मनोमयनको अन्तिम नतिजा प्रकाशन आगामी नोभेम्बर महिनामा हुनेछ ।