काठमाडौंको मुख्य केन्द्र मानिने दरबार मार्गको एक घरमा आगलागी भएको छ। दरबारमार्गस्थित ‘क्लब भिक्ट्री’ नामको डान्सबारमा आगलागी भएको प्रहरीले जनाएको छ।

आगो नियन्त्रणका लागि अहिले दुईवटा दमकल आइपुगेको र थप मगाइएको छ। घरको सातौं तलामा रहेको क्लबबाट आगो सुरु भएकाले निभाउन मुस्किल भएको महानगरीय प्रहरी वृत्त दरबार मार्गले जनाएको छ।

आगो के कारण लाग्यो भन्ने अहिलेसम्म खुलेको छैन । घटनाको थप विवरण आउन बाँकी छ।