गैरआवासीय नेपाली सङ्घको नयाँ नेतृत्वका लागि आज विहान १० बजेबाट मतदान हुने भएको छ । चुनावमा भोटिंङ मशिन ब्रिग्रिएपछि बुधबार मतदान स्थागित भएको थियो । इलोक्टोनिक मतदान शुरू भएको केही समयमै भोटिङ मेसिनमा प्राविधिक समस्या आएपछि मतदान स्थगित गरिएको थियो ।
निर्धारित समयभन्दा मतदान ढिलो शुरु गरेको भन्दै नाराबाजी र तोडफोड समेत गरिएको थियो । आक्रोशित भीडले मतदान स्थल बाहिरका केही टेबल कुर्सी फुटाएका थिए । मतदान स्थगित भएपछि पुनः नाराबाजी चलेको थियो ।
एनआरएनएको नयाँ नेतृत्वका लागि ४२ पदमा ७६ जनाले उम्मेदवारी दर्ता गराएका छन् । मङ्गलबार साँझदेखि बुधबार अपराह्न ३ः०० बजेसम्म उम्मेदवारी दर्ताको समय तोकिएको थियो ।
नयाँ नेतृत्वमा अध्यक्षमा कुमार पन्त र कूल आचार्यले उम्मेदवारी दर्ता गराएका छन् । यसैगरी महासचिवमा जानकी गुरुङ र डा हेमराज शर्माले उम्मेदवारी दर्ता गराएका छन् ।
निर्वाचनमा करीब दुई हजार ४०० मतदाता सहभागी हुनेछन् । ‘म, मेरो एनआरएन र मेरो नेपाल’ भन्ने मूल नाराका साथ मङ्गलबारदेखि शुरु भएको सङ्घको नवौँ नेपाली विश्वसम्मेलन तथा अन्तर्राष्ट्रिय महाधिवेशनको उद्घाटन राष्ट्रपति विद्यादेवी भण्डारीले गरेकी थिइन् ।
