प्रहरीले नक्कली नोट छाप्ने मेसिनसहित बौद्धस्थित नयाँबस्तीबाट तीन जनालाई पक्राउ गरेको छ । पक्राउ परेका तीन जनाको साथबाट ५० हजार रुपैयाँ बराबरका नोट बरामद भएको थियो ।
महानगरीय प्रहरी वृत्त बौद्धबाट खटिएको टोलीले उनीहरुलाई सोमबार पक्राउ गरेको हो । महानगरीय प्रहरी परिसर काठमाडौंका प्रमुख एसएसपी उत्तमराज सुवेदीका अनुसार, नक्कली नोट सहित तीन जना पक्राउ परेका छन् ।
पक्राउ परेकाहरुको नाम र विवरण भने सार्वजनिक गरिएको छैन ।
उनीहरुले नक्कली नोटलाई दशैंका समयमा बजारमा पुर्याएको हुनसक्ने प्रहरीले अनुमान गरेको छ । प्रहरीका अनुसार यस विषयमा थप अनुसन्धान भइरहेको छ ।
