अहिले दुई बच्चा जन्माएर हुर्काउन गाह्रो मानिरहेका बेला ब्रिटेनका एक अभिभावककले २१ बच्चालाई जन्म दिएपछि २२औ पटक फेरी गर्भवती बनेको खबर अहिले इन्टरनेटमा भाइरल भएको छ ।
ती महिला आफैले २२औं पटक गर्भवती भएको युट्युबमार्फत अल्ट्रासाउण्डको रिपोर्ट भिडियोमार्फत सार्वजनिक गरेर जानकारी दिएकी हुन् ।
हाल ४४ बर्षिय सू राडफोर्ड नाम गरेकी ती महिला ब्रिटेनको मोरक्यम्बेकी हुन् । ४५ बर्षीय आफ्ना पति नोएलका साथ उनलाई ब्रिटेनको सबैभन्दा ठुलो परिवार मानिएको छ । उनीहरुको बेकरीको पारिवारिक कारोबार रहेको छ ।
मिडिया रिपोर्टका अनुसार उनीहरुले गत नोभेम्बरमा एक छोरीको जन्म दिएका थिए । अहिले उनी १५ हप्ताको गर्भवती भएको बताइएको छ । यस पटक उनको गर्भमा छोरा रहेको बताइएको छ । अहिलेसम्म उनका ११ छोरी र १० छोरा रहेका छन् ।
सूको घरमा कुल १० कोठा छन्, जसमा उनीहरु आफ्नो बच्चाहरुसँग बसेका छन् । रिपोर्टका अनुसार नवौं बच्चा जन्मेपछि सूका पतिले परिवार नियोजनको अप्रेशन गरेको भएपनि पछि फेरी अप्रेशन गरेर फुकाएका थिए ।
उनका ठुली छोरीको विवाह भइसकेको छ भने उनका तीन छोराछोरी रहेका छन् ।
