वनभोज गएका यात्रु बोकेको ट्याक्टर दुर्घटना हुँदा तीनजनाको मृत्यु भएको छ। मृत्यु हुने तीनैजना किशोरी रहेको प्रहरीले जानकारी दिएको छ। शुक्रबार चिसापानीमा भएको दुर्घटनामा परेर १७ जना घाइते भएका छन्। रा १ त २३९३ नम्बरको ट्याक्टर दुर्घटना भएको इलाका प्रहरी कार्यालय गढवाका प्रमुख भरतसिंह राठोरले जानकारी दिएका छन्।

मृतकहरूको पहिचान नखुलेको प्रहरीले जनाएको छ। घाइतेहरूलाई उपचारको लागि लमही अस्पतालमा ल्याइएको छ। गढवा गाउँपालिका ६ चिल्लेका किशोर, किशोरी वनभोजको लागी गढवा गाउँपालिका ५ चिसापानी पुगेका थिए।

वनभोज गएर फर्कदै गर्दा वनभोज स्थलबाट २०० मिटर पर ट्याक्टर दुर्घटनामा परेको राठौरले जानकारी दिए।