इन्टरनेट चलाउने विश्वभरका करोडौँ प्रयोकर्ताले गुगल क्रोमको प्रयोग गर्ने गरेका छन् । त्यही करोडौँ गुगल क्रोम प्रयोगकर्ता मध्ये तपाई पनि एकमा पर्नु हुनेछ ।
पछिल्लो समय सर्च इन्जिन कम्पनी गुगलले इन्टरनेट सुरक्षालाई ध्यानमा राख्दै विश्वभरका गुगल क्रोम प्रयोगकर्तालाई आफ्नो ब्राउजरलाई पछिल्लो संस्करणमा अपडेट गर्न आग्रह गरेको छ ।
यदि तपाईंले ब्राउजरलाई अपडेट गराउनु भएन भने ह्याकर्सको फन्दामा तपाईंको कम्प्युटर वा अन्य इन्टरनेट चल्ने डिभाइस पर्न सक्ने चेतावनी गुगलले दिएको छ । डिजिटल ट्रेन्ड्सका अनुसार गुगल क्रोमको पछिल्लो अपडेटले टु जिरो डे वल्नरबिलिटीलाई ठीक राख्ने छ । यसमा एक ब्राउजरको अडियो कम्पोनेन्ट (CVE-2019-13720) तथा PDFium (CVE-2019-13721) लाइब्रेरीलाई प्रभावित गर्दथ्यो ।
पुरानो भर्सनको क्रोम ब्राउजरमाथि ह्याकरले सहजै ह्याक गर्न सक्ने आशंकामा गुगलले नयाँ भर्सन अपडेटका लागि प्रयोगकर्तालाई आग्रह गरेको हो ।
ह्याकरले सहज रुपमै ब्राउजरको मेमोरीमा स्टोर भएका डेटा चोर्न सक्ने वा मोडिफाइ गर्न सक्ने छ । यसका साथमा कुनै पनि डिभाइसभित्र उसको पूर्ण रुपमा पहुँच भएको खण्डमा मात्रै गर्न सक्नेछ । गुगलले यस्ता सबै खतराबाट बच्नका लागि फिक्स रोलआउट गरिदिएको छ ।
आगामी दिनमा सबै प्रयोगकर्तामा नयाँ भर्सन अपडेट पुग्ने छ । यदि तपाईं यो अपडेटलाई म्यानुअल्ली गर्न चाहनु हुन्छ भने जाँच गर्न सक्नु हुनेछ । यसका लागि आफ्नो क्रोम ब्राउजरको दायाँ तर्फ दिइएको तीन वटा डटमा क्लिक गर्नुहोस् । यसपछि Help मा गएर About Google Chrome मा जानुहोस् । तपाईंले त्यहाँ आफ्नो गुगल क्रोम अपडेट भएको हेर्न पाउनु हुनेछ ।
कम्पनीले आईओएस, म्याक, विन्डोज तथा लिनक्सको ब्राउजरमा क्रोमको भर्सन ७८ लाई अपडेट गरेको छ । आईफोन प्रयोगकर्ताको लागि यस अपडेटका साथै सिस्टम वाइड डार्क मोड प्राप्त हुनेछ ।
यसको मतलब डिस्प्ले तथा ब्राइटनेस सेटिङ्गमा गएर डार्क मोड चयन गरेमा गुगल क्रोम त्यसलाई अलगै अफ गर्ने अप्सन दिने छैन । गुगल क्रोमको डार्क मोडको नयाँ ट्याब पेजमा समेत दोस्रो मेन्यु अप्सनमा देख्न सकिनेछ ।
प्रयोगकर्तालाई बुकमाक्र्स, हिस्ट्री, रिसेन्ट ट्याब्स तथा रिडिङ्ग लिस्टमा पनि एक नयाँ डिजाइन उपलब्ध गराइएको छ ।
