दोलखाबाट काठमाडौँ आउँदै गरेको बस सुनकोशीमा खसेको छ। दोलखाको मागा देउरालीबाट काठमाडौँ आउँदै गरेको बा २ ख ७२४५ को यात्रुबहाक बस सुकुटे बीच नजिकै सुनकोशी नदीमा खसेको हो।

प्रहरी प्रवक्ता डीआईजी विश्वराज पोखरेलले दुर्घटनामा ४ जनाको मृत्यु भएको बताए । उनले १५ जना घाइते भएको बताए ।

‘केहीलाई नदीले बगाएको भन्ने छ, प्रहरी खोजी र उद्दारमा जुटेको छ’ डीआईजी पोखरेलले भने।

डीआईजी पोखरेलका अनुसार दुर्घटनामा परेको उक्त बस शैलुंगेश्वरी यातायातको रहेको छ।

घटनाको विस्तृत विवरण आउन बाँकी छ ।