न्युज २४ बाट प्रसारण भइरहेको कार्यक्रम सिधा कुरा जनतासँगबाट एकदम चर्चामा आएका टेलिभिजन प्रस्तोता रवि लामिछाने पछिल्लो समय सबैका प्रिय ब्यक्ति समेत बनेका छन् । न्युज २४ मा निरन्तर ६० घण्टाभन्दा बढी अन्तरवार्ता कार्यक्रम समेत संचालन गरेर विश्व रेकर्ड बनाएका उनले आफ्नो बोल्ने क्षमताले धेरैको ध्यान समेत तानिरहेका छन् । यसैक्रममा हालै रबि लामिछानेको एक नयाँ खबर बाहिरिएको बताइएको छ । उनी अब नयाँ कार्यक्रममा आवद्ध हुने भएका छन् ।
भर्खरै मात्र एसआरबिएन मिडियाले सार्वजनिक गरेको एक तस्विरमा लामिछानेको नया कार्यक्रममा आउने संकेत गरेको छ । एसआरबिएन मिडिया चर्चित टेलिभिजन शो ‘को बन्छ करोडपति’ पनि ल्याएको हो । पोष्टरमा एसआरबिएन मिडियाका सिइओ विपिन आचार्य, क्रियटिभ डाइरेक्टर सुरक्षा अधिकारी र रवि लामिछाने पनि देखिएका छन् ।
उक्त पोष्टरमा लेखिएको छ ‘केहि फरक, केहि विशेष । छिट्टै घोषणा हुँदैछ ।’ सबैभन्दा धेरै राशिको पुरस्कार रहेको टेलिभिजन कार्यक्रम ‘को बन्छ करोडपति’ ल्याएको यस कम्पनीले लामिछानेलाई अब अनुबन्धन गरेको जनाइएको छ । यस कार्यक्रम बारे एसआरविएन मिडियाले थप जानकारी दिएको छैन ।
