कर्णाली स्वास्थ्य विज्ञान प्रतिष्ठान जुम्लाको शिक्षाध्यक्षमा प्रतिष्ठानका डा. निरेश थापा नियुक्त भएका छन् । प्रतिष्ठानका सहकुलपति स्वास्थ्य तथा जनसङ्ख्यामन्त्री भानुभक्त ढकालले मन्त्रिस्तरीय निर्णयबाट डा।थापालाई शिक्षाध्यक्षमा नियुक्त गरेका हुन् ।
प्रतिष्ठानका उपकुलपति प्राडा। राजेन्द्रराज वाग्लेले गत मङ्सिर ३० गते शिक्षाध्यक्ष नियुक्तिका लागि डा थापा, डा. भरतमणि पोखरेल र डा. बद्री बडूलाई सहकुलपतिसमक्ष सिफारिस गरेका थिए ।
निवर्तमान शिक्षाध्यक्ष डा. धर्मराज श्रेष्ठको कार्यावधि गत जेठ २५ गते सकिएपछि सात महिनादेखि प्रतिष्ठान शिक्षाध्यक्षविहीन थियो । सहकुलपति ढकालले डा. थापालाई चारवर्षीय कार्यकालसहितको शिक्षाध्यक्षको जिम्मेवारी प्रदान गरेको प्रतिष्ठानका उपकुलपति प्राडा र वाग्लेले जानकारी दिए ।
उपकुलपति प्राडा वाग्लेले एक साताअघि प्रतिष्ठानको कार्यपरिषद्ले अस्पताल निर्देशकमा प्रतिष्ठानमा कार्यरत हाडजोर्नी विशेषज्ञ डा। मङ्गल रावललाई जिम्मेवारी दिइएको बताए ।
“यतिबेला प्रतिष्ठानमै कार्यरत ऊर्जाशील जनशक्तिलाई जिम्मेवारी दिइएको छ,” उनले भने, “आशा गरौँ, अब प्रतिष्ठानको शैक्षिक, प्राज्ञिक तथा प्रशासनिक गतिविधि सञ्चालनमा सहजता आउनेछ ।”
