विप्लव समूहका १७ कार्यकर्तालाई प्रहरीद्वारा पक्राउ (भिडियो सहित)

विप्लव समूहका १७ कार्यकर्तालाई प्रहरीद्वारा पक्राउ (भिडियो सहित)

काठमाडौंको प्रर्दशनी मार्गबाट विप्लव समूहका १७ जना कार्यकर्तालाई प्रहरीले पक्राउ गरेको छ । अमेरिकी सहयोग एमसीसीको विरोधमा प्रर्दशन गरिरहेका उनीहरूलाई आइतवार दिउँसो प्रहरीले प्रक्राउ गरेको हो । जसमध्ये १५ जना पुरुष र २ महिला रहेका छन् ।

संयुक्त राज्य अमेरिकाद्वारा नेतृत्व गरिएको हिन्द–प्रशान्त रणनीतिको अङ्गका रूपमा रहेको ‘मिलेनियम च्यालेन्ज कर्पोरेसन’ र नेपाल सरकारबीच भएको भनिएको सम्झौताले नेपाललाई फसाउने षड्यन्त्र गरिरहेको भन्दै नेपाल कम्युनिष्ट पार्टी विप्लव समूहले देशव्यापी रूपमा चरणबद्ध संघर्ष गर्ने घोषणा गरेको थियो ।

सोही घोषणाअनुसार उक्त समूहले देशव्यापी अन्तरक्रिया कार्यक्रम, देशव्यापी जुलुस प्रदर्शन, देशव्यापी विरोध सभा र अमेरिकी दुतावासमा ज्ञापनपत्र दिने कार्यक्रम समावेश गरेको छ । विरोधका गतिविधि कम गर्न भृकुटीमण्डप क्षेत्रमा सुरक्षा व्यवस्थालाई कडाइ गरिएको छ ।