त्रिभुवन विश्वविद्यालयले आगामी फाल्गुण १४ गते स्वतन्त्र विद्यार्थी युनियन (स्ववियु) को निर्वाचन गर्ने तयारी गरेको जनाएको छ । २०७३ साल फाल्गुण १८ गते भएको निर्वाचनको दुईवर्षे कार्यकाल समाप्त भएको र थप गरिएको म्याद पनि यही फाल्गुण १३ गते सकिन लागेकोले नयाँ चुनावको तयारीमा त्रिवि जुटेको हो ।
२०७३ सालमा २ सय ८० क्याम्पसहरूमा मात्र चुनाव भएको थियो । आगामी फाल्गुण १४ गते हुने निर्वाचनमा आंगिक र सम्बन्धन प्राप्त क्याम्पस गरी करिब ४०० क्याम्पसहरू सहभागी हुने कुरा त्रिविले जनाएको छ ।
प्रत्येक २-२ वर्षमा स्ववियुको निर्वाचन हुने व्यवस्था छ ।
