बोहोराफाँट समाज जापानले जापानको टोकियोमा आयोजना गरेको नयाँ वर्ष २०२० शुभकामना आदान प्रदान कार्यक्रम हालै सम्पन्न भएको छ । कार्यक्रममा जापान भ्रमणमा रहेका नेपाल पत्रकार महासंघ, गण्डकी प्रदेशका पार्शद् पत्रकार थम्मन थापा सन्देश, घुम्टे युवा परिवारका उपाध्यक्ष जीवन साहानी, गलकोट नगरपालिका ३ बोहोराफाँट निवासी ज्येष्ठ महिला ७६ वर्षीया चन्द्रकली बोहोरा, संस्थाका सल्लाहकारहरू लगायतलाई सम्मान गरिएको थियो ।

शुभकामना आदान प्रदान कार्यक्रममा पत्रकार थम्मन थापा सन्देश, युवा समाजसेवी जीवन साहानी, बोहोराफाँट समाज जापानका उपाध्यक्ष गोविन्द खडकाले शुभकामना मन्तव्य राखेका थिए । कार्यक्रममा बोहोराफाँट समाज जापानका कार्यसमितिका पदाधिकारीहरू, सल्लाहकार सदस्यहरू र शुभेच्छुकहरूको उल्लेखनीय उपस्थिति रहेको थियो ।

एक वर्षअघि जापानमा स्थापना भएको समाजले गलकोट नगरपालिका ३ बोहोराफाँटको विकास र समृद्धिका लागि योगदान गर्दै आएको छ भने विपन्न परिवार तथा असहायहरूलाई आर्थिक सहयोग गर्दै आइरहेको छ ।