सत्तारूढ नेपाल कम्युनिस्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ र प्रमुख प्रतिपक्षी दल नेपाली कांग्रेसका सभापति शेरबहादुर देउवाबीच भेटवार्ता भएको छ । सोमबार बिहान देउवा निवास बुढानिलकण्ठमा उनीहररूबीच भेटवार्ता भएको हो ।
नेकपा अध्यक्ष प्रचण्ड देउवालाई भेट्न सोमबार बिहान बुढानिलकण्ठ पुगेका थिए । दुई नेताबीचको भेटवार्तामा समसामयिक राजनीतिक विषयमा छलफल भएको जनाएको छ ।
साथै, सत्य निरूपण तथा मेलमिलाप आयोग र बेपत्ता छानविन आयोगलाई पूर्णता दिनेलगायत विषयमा पनि छलफल भएको स्रोतले जनाएको छ ।
