डिसहोमले सूचना, मनोरञ्जन, ज्ञान, विज्ञान, खेलकुदलगायत आफ्नो विभिन्न च्यानलहरूमार्फत दर्शकवर्गहरूलाई अद्भूत दृश्यहरूका माध्यमबाट रोमाञ्चक अनुभव प्रदान गराउँदै आइरहेको छ । यस्तै मनोरञ्जन दिने उद्देश्यले एक कदम अगाडि बढ्दै च्यानल ‘राइम्स’ को शुभारम्भ गरेको छ ।
भोलिको कर्णधार बालबालिकाहरूको लागि लक्ष्य गरी तयार पारिएको यो च्यानल विशेष गरी २ देखि १२ वर्षसम्मका बालकालिकाहरूको लागि अत्यन्तै उपयोगी हुने विश्वास गरिएको छ । यो अन्तर्क्रियात्मक च्यानल भएकोले यसबाट लक्ष्यित बालबालिकाले धेरै लाभ लिन सक्ने विश्वास गरिएको छ ।
यो डिसहोमको च्यानल नं. ८०९ मा प्रसारण हुनेछ । यस च्यानलले बालबालिकाको लागि पढ्न आधार प्रदान गर्नुका साथै अंग्रेजी तथा गणितजस्ता विषयहरूको साथै विभिन्न मनोवैज्ञानिक सामग्रीको माध्यमबाट उनीहरूको दिमाग सुढृड बनाउन मद्दत गर्ने डिसहोमबाट सम्प्रेषित विज्ञप्तिमा उल्लेख गरिएको छ ।
