बलिउड अभिनेत्री दिशा पटानी आजभोलि खुबै चर्चामा आउने गर्छिन् । उनका हरेक फिल्म एकपछि अर्को गर्दै हिट भएका छन् । करिअरको छोटो समयमा सलमान खानदेखि टाइगर श्राफसँग दिशाले रोमान्स गर्ने मौका पाएकी छिन् । उनी यतिबेला सलमान खानको फिल्म ‘राधे’ मा पनि अनुबन्ध भएकी छिन् ।
पछिल्लो समय भने दिशा फिल्म ‘मलंग’ का कारण चर्चामा छिन् । फिल्मको ट्रेलर रिलिज भएको छ र यो रुचाइएको पनि छ ।
ट्रेलरको एक दृश्यमा दिशालाई बिकिनी अवतारमा देख्न सकिन्छ । यो लूकलाई फ्यानले खुबै मन पराएका छन् । फिल्मको एक पोस्टरको पनि चर्चा छ । किनकि, दिशा र आदित्यले फरक तरिकाले चुम्बन गरिरहेका हुन्छन् ।
हालै आदित्यसँग यो दृश्यका बारेमा सोधियो कि, के उनलाई दिशासँग किसिङ सिन दिँदा अप्ठेरो भएको थियो ?
यसमा आदित्यले भने, ‘फिल्मको छायांकनका बेला अलिकति पनि अप्ठेरो भएन, न त कुनै अचम्म नै लाग्यो ।’
आदित्यले दिशाको तारिफ पनि गरे । साथै यो दृश्य दिनका लागि दिशाले पनि सहजता बनाइदिएको उनले बताए ।
मोहित सुरीले निर्देशन गरेको यो फिल्ममा अनिल कपूरको पनि भूमिका छ । फिल्मको ट्रेलरले राम्रो चर्चा कमाएको छ ।
