आइसीसी विश्वकप डिभिजन लिग -२ अन्तर्गतको त्रिकोणीय अन्तर्गत नेपाल र ओमानबीचको खेल आज हुँदै छ ।
आजको खेलमा ओमानले टस जितेर पहिला बलिङ गर्ने निर्णय गरेको छ । यो सँगै आज पनि नेपालले पहिला ब्याटिंग गरिरहेको छ ।
नेपालका लागि कप्तान ज्ञानेन्द्र मल्लले अर्धशतक बनाएका छन् । ज्ञानेन्द्रले ७० बल खेल्दै ६ चौका र एक छक्का प्रहार गर्दै आफ्नो अर्धशतक पुरा गरेका हुन् ।
एकदिवसीय अन्तर्राष्ट्रिय क्रिकेटमा ज्ञानेन्द्रको यो दोस्रो अर्धशतक हो ।
नेपालले अहिलेसम्म आफ्ना तीन विकेट गुमाएको छ । सुबास खकुरेल २२, पारस खड्का ३८ र दिपेन्द्र सिंह ऐरी शुन्यमा आउट भएका छन् ।
नेपालले अहिलेसम्म २५.४ ओभरमा १२२ बनाएर ३ विकेट गुमाएको छ ।
