मौसम पूर्वानुमान महाशाखाले नेपालमा हाल कुनै पनि मौसमी प्रणाली विकसित नभएको जनाएको छ । विहिबार महाशाखाले जारी गरेको सूचनामा कुनै पनि मौसमी प्रणालीको प्रभाव नरहेकोले देशको पहाडी भू–भागमा आंशिक बदली भएको र अन्य क्षेत्रको मौसम सफा रहेको उल्लेख छ ।
यसैगरी, महाशाखाको पूर्वानुमानमा आज दिउँसो देशका पहाडी क्षेत्रमा आंशिक बदली हुने भए पनि देशका अन्य क्षेत्रमा भने मौसम सफा रहने उल्लेख गरिएको छ ।
राति पनि देशका पहाडी क्षेत्रमा आंशिक बदली हुनेछ भने बाँकी क्षेत्रमा मौसम सफा रहनेछ ।
