एघारजना युवा कविहरूको संयुक्त कविता सङ्ग्रह ‘उज्यालोका मालीहरू’ बजारमा आएको छ । शिखा बुक्सले बजारमा ल्याएको उक्त कविता सङ्ग्रहमा ११ कविका १ सय १० कविताहरू समावेश गरिएका छन् ।

‘उज्यालोका मालीहरू’ कविता सङ्ग्रहमा झापाका निरज दाहाल, इलामका रिजन मायालु, मोरङका प्रदिप योङहाङ लिम्बू, सुनसरीकी दीपिका खतिवडा, सर्लाहीका रेहान खान, खोटाङका मोहन सङ्ग्राम, चिनवनका शरद ऋतु, काभ्रेका अदीप अधिकारी, सिन्धुलीका अनिल खतिवडा, कास्कीका सुदर्शन पौडेल र सुर्खेतका अर्जुन आचार्यका कविताहरू समाविष्ट छन् ।

कविता सङ्ग्रहमा छोटा आकारका तर ओज र घनत्व बोकेका सूक्तिमय कविता समाविष्ट गरिएको उक्त कविता सङ्ग्रहका सम्पादक साहित्यकार महेश पौड्यालले जनाएका छन् ।

आगामी शनिबार (फागनु १०) नेपाल प्रज्ञा प्रतिष्ठान कमलादीमा सो कविता सङ्ग्रहको विमोचन गरिने प्रकाशकले जनाएको छ । यसका लागि सबै कविहरू आ–आफ्नो जिल्लाबाट काठमाडौं आउने व्यवस्था मिलाइएको शिखा बुक्सका प्रमुख पुष्पराज पौडेलले जनाएका छन् ।