इरानमा कोरोनाभाइरसको संक्रमण भएका एकजना सांसद्को मृत्यु भएको छ । गत साता संसद्मा निर्वाचित मोहम्मद अली रामजानी दस्तकको मृत्यु भएको हो । उनलाई गतसाता मात्र कोरोनाभाइरसको संक्रमण लागेको अन्तर्राष्ट्रिय सञ्चारमाध्यमले जनाएका छन् ।

अस्पतालमा उनको उपचारका क्रममा मृत्यु भएको जनाइएको छ । कोरोनाभाइरसका कारण इरानमा हालसम्म २ सय १० जनाको ज्यान गइसकेको छ । त्यसबाहेक त्यहाँका उपराष्ट्रपतिसँगै उपस्वास्थ्यमन्त्रीमा पनि कोरोना भाइरसको संक्रमण पुष्टि भएको थियो ।

यद्यपि त्यहाँको सरकारी सञ्चारमाध्यमले भने उनको मृत्युको कारण कोरोनाभाइरस नभई ‘इन्फ्लुएन्जा र इरान–इराक युद्धका बेला भएको रासायनिक चोटपटक’ का कारण भएको दाबी गरेको छ ।