मध्यरातमा शौच गर्न निस्किएका पूर्व शिक्षकमाथि महोत्तरीमा गोली प्रहार भएको छ । जिल्लाको मनरासिसवा नगरपालिका–३, का स्थानीय सहदेवप्रसाद यादवमाथि आइतबार बिहान २ बजे गोली प्रहार भएको हो ।
गोली लागेर यादव घाइते भएका छन् । घाइते यादव पूर्वशिक्षक रहेको प्रहरीले जनाएको छ । महोत्तरीका डीएसपी माधव बुढाथोकीले घटनाको पुष्टि गर्दै शौचालय जान निस्केका बेला यादवमाथि गोली प्रहार भएको जानकारी दिए । गोली यादवको छातीमुनि लागेको छ ।
घाइते यादवलाई उद्धार गरेर जानकी केयर अस्पताल लगिएको र अवस्था खतरामुक्त रहेको प्रहरीले जनाएको छ । बुढाथोकी नेतृत्वको प्रहरी टोलीले घटनास्थलकबाट चाइनिज पेस्तोलको दुई राउण्ड गोलीका खोका र एक राउण्ड गोली बरामद गरेको छ । तर गोली कसले र किन प्रहार गर्यो भन्ने खुलेको छैन ।
घटना कसले र किन गरायो भन्ने भन्ने बारे अनुसंधान भईरहेको प्रहरीले जनाएको छ ।
