शुक्रबार सुनको मूल्य घटेको छ । नेपाल सुनचाँदी व्यवसायी महासंघका अनुसार आज सुनको मूल्य तोलामा रु ३ हजारले घटेर प्रतितोला ७८ हजार ५०० मा कारोबार भइरहेको छ ।
यसअघि विहिबार सुन प्रतितोला रु ८१ हजार ५०० मा कारोबार भएको थियो । महासंघका अनुसार तेजावी सुनको मूल्य आज ७८ हजार २०० कायम गरिएको छ ।
यस्तै, शुक्रबार चाँदीको मूल्य पनि घटेको छ । आज, चाँदी तोलामा रु ४० ले घटेर प्रतितोला ८२० रुपैंयामा कारोबार भइरहेको महासंघका जनाएको छ ।
