भारतमा कोरोना भाइरसको संक्रमणबाट मृत्यु हुनेको संख्या तीन सय नाघेको छ । अहिलेसम्म भारतमा कोरोना भाइरसका कारण हुने कोभिड–१९ बाट ३०८ जनाको मृत्यु भएको छ । यस्तै संक्रमितको संख्या पनि ९ हजार भन्दा धेरै भएको छ ।
अहिलेसम्म ९ हजार १५२ जनामा संक्रमण पुष्टि भएको छ । त्यसमक्ये ८५६ जनामा संक्रमण निको भएको भारतको स्वास्थ्य तथा परिवार कल्याण मन्त्रालयले जनाएको छ।
सबैभन्दा बढी संक्रमित महाराष्ट्रमा छन् । अहिलेसम्म महाराष्ट्रमा संक्रमितको संख्या १९ सय ८५ पुगेको छ । यस्तै महाराष्ट्रमा मृत्यु हुनेको संख्या १४९ रहेको छ । यस्तै दिल्लीमा ११ सय ५४, तमिलनाडुमा एक हजार ४३ र राजस्थानमा ८०४ जनामा कोरोना भाइरसको संक्रमण पुुष्टि भएको छ।
यसैबिच मुम्बईको धारावीको सुकम्बासी बस्तीमा संक्रमितको संख्या ४७ पुगेको छ । यहाँका एक व्यक्तिको कोरोना भाइरसको संक्रमणका कारण मृत्यु भएको छ ।
