अमेरिकी राष्ट्रपति डोनाल्ड ट्रम्पले चीनमा कोरोनाबाट मृत्यु हुनेको संख्या धेरै भएको दाबी गरेका छन् । ट्रम्पले ट्वीट गर्दै चीनले वुहानमा मृत्यु हुनेको संख्या सच्याएको बताउदै मृत्यु हुनेको संख्या यो भन्दा पनि धेरै भएको बताएका छन् ।
उनले भनेका छन्(‘यो अज्ञात शत्रुबाट मृत्यु हुनेको संख्या चीनमा अचानक बढेर डबल भयो । तर यो भन्दा कैयौं बढी छ । यो अमेरिकामा भन्दा मृत्यु हुनेको संख्या चीनमा कैयौं बढी छ ।’ नियमित मिडिया ब्रिफिङमा समेत ट्रम्पले कोरोनाबाट मृत्यु हुनेको संख्या अमेरिकामा भन्दा चीनमा धेरै भएको दाबी गरेका छन् ।
चीनले शुक्रबार वुहानको सुची सच्याउदै १२ सय ९० जना मृत्यु भएको भन्दै यस अघिको आँकडामा थपेको थियो । योसँगै चीनमा कोरोनाबाट मृत्यु हुनेको संख्या ४ हजार ६ सय नाघेको छ । चीनले भने शव व्यवस्थापन घर र जेलको आँकडा यस अघि नजोडिएकोले थपिएको बताएको छ ।
