कपिलवस्तुमा एक स्थानीय तहका वडाध्यक्षको हत्या प्रयास भएको छ । कपिलवस्तुको यशोधरा गाउँपालिका वडा नम्बर ८ का वडा अध्यक्ष सहाबुद्दिन मुसलमानमाथि शुक्रबार बिहान १ बजे गोली प्रहार भएको कपिलवस्तु प्रहरीले जनाएको छ ।
आफ्नै घरमा सुतेका वडा अध्यक्ष मुसलमान माथि अज्ञात व्यक्तिले चार राउण्ड गोली प्रहार गरेको कपिलवस्तुका प्रहरी नायब उपरीक्षक सुनिल मल्लले जानकारी दिए ।
दुई जना अज्ञात व्यक्तिले उनीमाथि गोली प्रहार गरेपनि उनलाई गोली नलागेको प्रहरीले जनाएको छ ।
घटनामा संलग्न रहेको आशंकामा प्रहरीले एक व्यक्तिलाई नियन्त्रणमा लिई अनुसन्धान अगाडि बढाएको प्रहरी नायब उपरीक्षक मल्लले जानकारी दिए ।
