सरकारले कोरोना भाइरसको रोकथाम तथा नियन्त्रणका लागि अन्तर्राष्ट्रिय उडानमाथिको प्रतिबन्ध जेठ १८ गतेसम्म लम्ब्याएको छ । लकडाउन थप १० दिन लम्ब्याउने निर्णय गरेकै मन्त्रिपरिषद् बैठकले अन्तर्राष्ट्रिय उडानमाथीको प्रतिबन्ध पनि विस्तार गरेको हो । यसअघि अन्तर्राष्ट्रिय उडानमाथिको प्रतिबन्ध जेठ २ गतेसम्मका लागि थियो ।
सरकारले जेठ ५ गतेसम्म लकडाउन लम्ब्याउने निर्णय गरेको छ । यसैगरि सिमा नाका बन्द पनि जेठ १८ गतेसम्म लम्ब्याइएको छ । नेपालमा चैत ११ गतेदेखि लकडाउन सुरु भएको थियो ।
नेपालमा हालसम्म कोरोना भाइरसका ८५ संक्रमित छन् जसमध्ये १६ जना निको भइसकेका छन् ।
