काठमाडौँको रविभवनमा शुक्रबार बिहान भएको सवारी दुर्घटनामा एकजनाको मृत्यु भएको छ । कलंकी नजिकै बा ७२ प ८१७२ नम्बरको मोटरसाइकल र बा २१ च ४३४६ नम्बरको कार आपसमा ठोक्किँदा मोटरसाइकल चालक मोरंग बेलवारी घर भएका २३ वर्षीय टिकाराज गेलालको मृत्यु भएको हो ।
दुर्घटनामा गम्भीर घाइते भएका उनको उपचारका क्रममा नेपाल नेशनल अस्पताल कलंकीमा मृत्यु भएको प्रहरीले जनाएको छ ।
कार चालक कलंकी बस्ने ३९ वर्षीय सिखर जवरा नेपाली सेनाका लेफ्टिनेन्ट कर्णेल रहेको र उनी सैनिक मुख्यालमा कार्यरत रहेको प्रहरीले जनाएको छ ।
प्रहरीले चालक जवरालाई नियन्त्रणमा लिएको जनाएको छ ।
