स्वदेश फर्कन पाउनुपर्ने माग गर्दै सिंहदरबार घेरेका चिनियाँ नागरिकहरुले सुरक्षाकर्मीहरुमाथि ढुंगा प्रहार गर्दा एक डिएसपी घाइते भएका छन् । ३२ चिनियाँ नागरिकलाई प्रहरीले पक्राउ गरेको छ ।
सिंहदरबार प्रहरी वृत्तका डिएसपी हरि बस्नेत ढुंगा प्रहारबाट सामान्य घाइते भएका हुन् ।
सिंहदरबार घेराउ गरेका ३२ जना चिनियाँको समूहलाई प्रहरीले पक्राउ गरी सिंहदरबार प्रहरी वृत्त पुर्याएको छ । उनीहरु आफूलाई स्वदेश फर्कन कसैले वास्ता नगरेको भन्दै सिंहदरबारको पश्चिम गेटमा नाराबाजी गरिरहेका थिए । पक्राउ पर्नेमा २१ पुरुष र ११ महिला छन् ।
