झापाको गौरादह-४ स्थितमा गाईको बाच्छो काटेको आरोपमा तीन जनालाई प्रहरीले पक्राउ गरेको छ । पक्राउ पर्नेमा गौरादह-४ का २८ वर्षीय रमेश दर्जी,५० वर्षीय रमेश सतार र सोहि स्थानका ६० बर्षीय मद्रासी सतार रहेका छन् ।

आइतबार राति १० बजे रमेश दर्जीको घरमा यी तीनै जना मिलेर बाच्छो काटेर मासु खाएको र बाच्छोको टाँउको तथा दुईवटा खुट्टा खेतमा पुरेको अवस्थामा फेला पारेको भनि सोमबार बिहान सवा ८ बजे स्थानीयले प्रहरी चौकी माहारानीझोडामा खबर गरेका थिए ।

घटनाको जानकारी पाउनसाथ ईलाका प्रहरी कार्यालय दमकबाट प्रहरी टोली गई अनुसन्धान गर्ने क्रममा गाईको बाच्छो काटेको खुल्न आएको हो । पक्राउ परेका तीनैजना उपर ईलाका प्रहरी कार्यालय दमकबाट थप अनुसन्धान भईरहेको छ ।